月禾居串燒手打鳥冬 (已結業)

收工落旺角，同朋友吹下水，食个饭咁又一日！话说朋友想食乌冬，上网揾下就揾到呢间月禾居，有乌冬又有串烧，都系唔错选择！抱住试新野心态去试试！睇下个menu , 选择都好多！我地决定叫下乌冬加串烧小食！呢度系先拣乌冬再拣汤底！我地拣左自家制猪软骨乌冬、杂锦锅仔乌冬、义烧乌冬，汤底有得拣地狱汤、猪骨汤、番茄汤、清汤同咖喱汤！当然我地拣左比较重口味嘅咖喱汤同番茄汤！Menu 上写呢度系用！真。冇hea 我地！先讲下番茄汤杂锦锅仔乌冬、蕃茄汤底好浓而且有蕃茄蓉喺里面，每食一啖乌冬都好似连一啖番茄汤，好juicy !再讲下咖喱汤底嘅叉烧乌冬！咖喱汤底都唔错㖞唔会话好辣亦都唔算好喊！味道非常适中！而义烧方面肉质都好嫩唔会话好韧！肉嘅中间带有少少脂肪，食落好软！正呀！小食方面叫左黑椒露笋牛肉串同烧菠萝！牛肉串都有d惊喜，牛肉串烧得好香，上面加左啲黑椒同埋盐，味道够！牛肉包住露笋一咬好有口感，食落唔油腻，又有少少汁，系怕肥又想食串烧嘅女士嘅好选择！烧菠萝都正常啦！食得出系新鲜菠萝，好鲜甜！作为饭后水果确实唔错！整体黎讲，食物质素ok, 价钱合理！可以再黎！