影片
更多
2021-03-11
91 浏览
今次去食日本人亲自主理嘅日本餐厅，最开心系可以欣赏到日本人嘅坚持同专业，大部分嘅食材都系日本直送，菜式亦会因应食材嘅新鲜度而不断改变。坐住吧枱可以欣赏师傅嘅功架，仲可以试试日本家乡菜。本日之万菜～可以称之为餐前/佐酒小食，亦系佢地嘅家乡菜。每道小食都系日本师傅精心设计，随时转款，今次一共试咗7款，胡麻芝士豆腐系我最钟意嘅，入口即溶，香浓嘅芝士味维持喺口腔久久不散，芝士爱好者必试。持田农园芥屋冷蕃茄，呢种蕃茄系三，四月先有，真系好清甜，仲要无乜草青味！五目鹿尾草～我一向都好钟意食海藻类，呢个款式都系第一次试，呢种虽然比较短身但口感爽脆。🔥海鲜·炉端烧～海鲜由日本直送福岗 志贺岛 砂拔蝾螺～系福岗最受欢迎嘅蝾螺，口感弹牙，鲜甜！福岗 唐泊 惠比须 烧牡蛎～烧完都唔会好干身，好juicy，入口仲食到海水同鲜甜嘅蚝味！琵琶虾～系近来几受欢迎嘅海鲜，但唔系周围都有得食，虾肉烧得啱啱好，啖啖肉，超赞！博多沙甸鱼明太子～烧到非常香口嘅沙甸鱼，包裹住满满嘅明太子，带有少少辛辣，非常惹味。烧饭团外脆内软，表面烧得焦香脆口，梅紫苏味道少少酸，但好易入口，另外日式玛格丽塔系一片芝士加少少辛辣，味道丰富！每份
本日之万菜～可以称之为餐前/佐酒小食，亦系佢地嘅家乡菜。每道小食都系日本师傅精心设计，随时转款，今次一共试咗7款，胡麻芝士豆腐系我最钟意嘅，入口即溶，香浓嘅芝士味维持喺口腔久久不散，芝士爱好者必试。持田农园芥屋冷蕃茄，呢种蕃茄系三，四月先有，真系好清甜，仲要无乜草青味！五目鹿尾草～我一向都好钟意食海藻类，呢个款式都系第一次试，呢种虽然比较短身但口感爽脆。
🔥海鲜·炉端烧～海鲜由日本直送
福岗 志贺岛 砂拔蝾螺～系福岗最受欢迎嘅蝾螺，口感弹牙，鲜甜！
福岗 唐泊 惠比须 烧牡蛎～烧完都唔会好干身，好juicy，入口仲食到海水同鲜甜嘅蚝味！
琵琶虾～系近来几受欢迎嘅海鲜，但唔系周围都有得食，虾肉烧得啱啱好，啖啖肉，超赞！
博多沙甸鱼明太子～烧到非常香口嘅沙甸鱼，包裹住满满嘅明太子，带有少少辛辣，非常惹味。
烧饭团外脆内软，表面烧得焦香脆口，梅紫苏味道少少酸，但好易入口，另外日式玛格丽塔系一片芝士加少少辛辣，味道丰富！
每份甜品都系师传亲自制作，要认真试试！
星野村布甸～抹茶味嘅布甸非常幼滑同香浓，连粒栗子都超甜！
西中洲红豆年糕汤～红豆汤超级超级甜，配埋两大旧即时烤嘅年糕，外脆内软，食到满满嘅幸福感！
另有心水推介：北海道烧薯仔，烧白粟米，博多风猪腩肉拌醋椰菜。
张贴
