Kotori_Lbird

营业中

休息中

小店位于荔枝角，主打日本料理嘅外卖店，地方十分隐蔽，系喺商业大楼入面，都系听附近返工嘅朋友仔介绍先知道呢个地方🤣 由两位日本人主理嘅，价钱合理，性价比高，可以一试！十蔬鸡肉特制乌冬包含10种蔬菜，有里芋、葱、柚子、大根、菇、甘笋、蒟蒻、牛蒡、炸豆腐同莲藕，五颜六色，卖相一流，食肉兽表示虽然全部都系蔬菜但presentation好吸引🤣 蔬菜细细件，方便入口，新鲜，鲜甜、另外有鸡肉补充蛋白质，嫩滑多汁，啖啖肉，唔错、汤底晴甜、乌冬Q弹，挂汁，惹味😋另外有山芋炭烧鳗鱼饭，饭粒饱满，混合咗糯麦同珍珠米，咬落软糯，感觉健康，好有日本feel、鳗鱼超级大条，以自家熬制酱汁调配，有炭烤风味，食落甜甜地，几适合配饭，上班族有福了！