大丸ラーメン

营业中

休息中

太耐无去日本，相信大家都好挂住日本🇯🇵既美食，我都唔例外，而其中一样想即刻冲去食就系拉面。听闻哩一间拉面🍜由日本人主理，好似好正宗咁，一于试试去。佢既选择唔算多，只有四款，而当日系无期间限定既拉面提供。点完单后好快就由日籍大厨递上热辣辣既拉面。酱油豚骨拉面(粗面) $88佢既汤头睇落就好浓郁，但饮落去系淡淡酱油味，酱油味入面有啲类似鲣鱼干🐟既海鲜味比较出众，豚骨底🐷既味就完全被遮掩。睇返简介，原来佢用左熊本产🐻熟成酱油同日本产干贝再制成汤底，唔怪得干贝味咁重。面质方面，粗面烟韧有咬口，我几钟意。叉烧🍖薄薄三片，都好软熟，有少少猪骚味，而我比较钟意厚身叉烧多啲。只蛋用左新纪元晓🥚，流心效果做得一流，但腌得唔够无咩酱油味，哩到扣返啲分。激辛豚骨拉面(幼面) $88汤底拣左中辛🌶，饮落都几辣但只辣味无咩层次，偏向死辣，同样遮盖左本身豚骨底🐷既味。幼面都煮得岩岩好，仲好有弹性，相对地挂汤。而叉烧同蛋🥚就同酱油豚骨个碗大致上一样。