串カツ専門店

营业中

休息中

搭䢂嘅时候已经有日本人一出䢂，坐低之后发现隔离都系日本人饮酒食串串。我哋坐吧枱，位置比较逼。非炸物比较平凡普通，叫炸串应该会更加好食，不过一定好热气。*日本鸡蛋猪肉卷 $38炸衣够薄但离肉，鸡蛋半熟，猪肉存在感极低，味道偏淡要沾炸串汁食。*芝士三文鱼炸串 $22虽然得一串，但佢好好食。三文鱼啱啱好熟，配脆卜卜嘅炸衣好夹！明太子芝士玉子烧 $98即叫即整，所以热辣辣出晒烟。玉子烧蛋香唔系特别浓，包住明太子+拉丝芝士，咸香味啱啱好。铁板海鲜明太子 $68粉浆加入八爪鱼、明太子煎成煎饼，捞埋明太子蛋黄酱、蛋黄，软绵绵，有明太子嘅味道，但未够浓，感觉要配脆片会更夹。博多猪骨汤铁板炒面 $108铁板作用唔大，唔会令炒面特别热。颜色同我想像中有出入，猪骨汤汁有啲多，面略腍略油。配料有猪肉、椰菜、煎蛋，份量慷慨，但同炒面有啲分割。千岛酱一口芝士 &58芝士流心到极致，奶味极浓，所以同时亦好腻。