Kotori_Lbird

营业中

休息中

去开长沙湾工作，因为冇时间食饭，所以最后喺附近买咗个外卖，于是就试咗呢间餐厅。佢系日本人开嘅舖头，煮法真系唔系一般日本料理。钟意日本文化嘅人可以一试！间铺嘅好处就系，唔需要担心有冇位，因为佢只系做外卖。今次我就试咗佢嘅鳗鱼饭。佢用嘅真系好新鲜嘅鳗鱼，唔似得一般日本料理整到个鳗鱼好甜，食得出佢唔落味精，所以新鲜嘅鳗鱼肉亦都好腍。另外亦都试咗佢嘅蒟蒻面，真系超特别嘅尝试。清淡嘅汤底，再加上软熟弹牙嘅蒟蒻同埋其他日本汤底嘅配料。成个感觉都好清新，但又唔会太过滞。成间料理都好有日本味道，一定要试！