蜜庵本膳 (已結業)

日本休闲甜品店同朋友仔系尖沙咀行到攰攰地，见到呢间几休闲既甜品铺，就入去食下野倾下计。日本纪州南梅苏打 $38天然发酵苹果醋配制而成，统天然，饮落去酸酸地既梅味，好突出，感觉似少少梅酒味道，但无酒精架。日本艾草豆乳甘酒 $48几特别既配搭，甘酒系日本传统饮品，无酒精，将白米发酵而成，有补中益气既好处，而且加入艾草，艾草本有温通经络，祛风湿之效，系一杯健康饮品。饮落口未尝到甘酒同艾草味道，豆乳味比较出，似饮紧豆浆加少少草青味，都几好饮，易入口。可惜只有冷饮，如果做到热饮，感觉会更加健康。班尼迪烟肉蛋 $98几块咸味既pancake，中间夹住d bacon，最顶层系流心蛋，再加上好多香滑蛋黄酱，好似未试过咁样食，配搭特别，但又唔会觉得奇怪，新鲜食法，香喷喷，值得一赞。双茶蜜 $98Pancake细块d，厚身少少，有3种酱俾你点黎食，抹茶、培茶、黑糖，当今最受欢迎既3种味道可以一次俾你食晒，满足我地呢d为食鬼，唔洗烦谂食咩味道。一捧到枱面就闻到黑糖味，唔会过甜，抹茶/培茶味要点多d酱先feel到，不过当你点得够多就知道佢既抹茶系高质够浓，有茶香，唔会只系甜味，如果钟意甜食，可以拣呢个试一试。