影片
更多
2020-12-30
2853 浏览
刨冰喺香港就食得多，但日式嘅刨冰就真系唔常见。今次介绍嘅系喺铜锣湾一条近年好热闹嘅街道，入边嘅一间日式刨冰甜品店。店主拣喺呢条街开舖原因系因为呢条街有小社区嘅感觉。餐厅标榜日式刨冰都系有日本进口嘅冰所制成，因为北海道日藉老板想还原日本嘅味道。-排队🧍♀️🧍🧍♂️餐厅原本嘅营业时间系13:00 - 22:00，可能受疫情影响，转左12:00 - 18:00，早开咗一个钟但系唔做晚市，当日系星期六大概晏昼2:10，唔使等位直接入得，反而食完出嚟有人等紧位。-环境🪑喺餐厅嘅面前有个两人嘅木长凳，除咗比出边嘅食客坐喺度等之外，打卡都系一流。外观系黑铁配玻璃窗，喺窗嘅外边挂住一个白色冰字嘅蓝布旗，见到就好清楚而家系一间食刨冰嘅甜品。装潢行简约风格，清水既混凝土墙，架上摆设左啲茶道器具、书，系好休闲Cafe嘅和风风格。店舖有一张四人枱，四张二人台，仲有面向街景嘅吧枱，有两个位。-Menu📋店舖主打日式刨冰，从Menu上可以睇到招牌最多人叫嘅味道系抹茶忌廉焦糖味、伯爵茶奶味同草莓味。刨冰味道嘅种类有10款，除左传统嘅抹茶，有为香港人而设嘅味道例如芝麻，可以另外再加配料，配料有14款。除咗刨冰之外仲有
刨冰喺香港就食得多，但日式嘅刨冰就真系唔常见。今次介绍嘅系喺铜锣湾一条近年好热闹嘅街道，入边嘅一间日式刨冰甜品店。店主拣喺呢条街开舖原因系因为呢条街有小社区嘅感觉。餐厅标榜日式刨冰都系有日本进口嘅冰所制成，因为北海道日藉老板想还原日本嘅味道。
-
排队🧍♀️🧍🧍♂️
餐厅原本嘅营业时间系13:00 - 22:00，可能受疫情影响，转左12:00 - 18:00，早开咗一个钟但系唔做晚市，当日系星期六大概晏昼2:10，唔使等位直接入得，反而食完出嚟有人等紧位。
-
环境🪑
喺餐厅嘅面前有个两人嘅木长凳，除咗比出边嘅食客坐喺度等之外，打卡都系一流。外观系黑铁配玻璃窗，喺窗嘅外边挂住一个白色冰字嘅蓝布旗，见到就好清楚而家系一间食刨冰嘅甜品。装潢行简约风格，清水既混凝土墙，架上摆设左啲茶道器具、书，系好休闲Cafe嘅和风风格。
店舖有一张四人枱，四张二人台，仲有面向街景嘅吧枱，有两个位。
-
Menu📋
店舖主打日式刨冰，从Menu上可以睇到招牌最多人叫嘅味道系抹茶忌廉焦糖味、伯爵茶奶味同草莓味。刨冰味道嘅种类有10款，除左传统嘅抹茶，有为香港人而设嘅味道例如芝麻，可以另外再加配料，配料有14款。除咗刨冰之外仲有提供芝士蛋糕同落饼。
另外一提，刨冰嘅味道会成日转，亦都会跟季节而转，例如有栗子、焙茶、意大利芝士蛋糕味道等等。
热茶
35 浏览
2 赞好
0 留言
系食刨冰之前店员会每人提供一杯热茶
店内有食刨冰嘅指引同建议
-
🍧 抹茶忌廉焦糖味日式刨冰加白玉 💰100（👅: 9/10）
抹茶忌廉焦糖味日式刨冰加白玉
$100
16 浏览
2 赞好
0 留言
日式刨冰份量太大，个人觉得系两个人嘅份量，可以share食，店舖限定每人最低消费40，所以两个人叫一个刨冰系满足到，而我觉得舖头都系咁样设计去令两个人食一个。虽然刨冰好大好高，但都唔会话一食就散晒落枱面。
刨冰嘅冰系店主坚持用日本嘅冰砖，而刨冰机都系日本货，因为想做出原汁原味，虽然店主有坦言香港出产嘅冰砖因为唔经长期冷藏，其实更加容易刨出松软嘅冰花。
抹茶忌廉焦糖味日式刨冰加白玉
$100
16 浏览
2 赞好
0 留言
刨冰磨到非常之碎，质感细滑延绵，摆落口𠮶一刻就会化成水，而且系抹茶水。抹茶粉系用京都制嘅，味道非常之浓，有甘香但会带少少苦涩味，系好食嘅抹茶味道，抹茶嘅分布都好平均，唔会一啖好重咪一啖好淡味。抹茶包围晒外层同顶部，而焦糖就系底部同埋入边。
底层会食到消化饼碎同埋焦糖酱，令到成个刨冰唔系剩系得水呢个口感，而且消化饼碎同依个刨冰特别夹。焦糖味道反而甜啲，比起唔算甜嘅抹茶。不过个人觉得焦糖酱个比例对比起抹茶太少，抹茶比例太多会食到有啲腻，如果可以抹茶同焦糖比例系一半，外观上一边系绿色一边系焦糖色可能会更好，而且建议将抹茶同焦糖一齐食，因为咁样先可以中和到有啲甜有啲冇咁甜嘅味道。
白玉系加$10，会铺喺刨冰上面，识落就系好普通嘅日式汤丸，咬落软熟唔会太硬未煮熟，白玉上会有cream，份量唔多食落唔会腻。
-
🌟虽然每个刨冰嘅价钱都系80-100，但佢份量大其实好适合两个人share食，除翻开都系一个合理嘅甜品价钱，而且系难得好食有质素嘅刨冰。如果夏天嚟食呢个日式刨冰一定非常解暑透心凉。
-
👅味道: 9/10
🍴环境: 7/10
💰消费: $100 (服务费: NA)
❗️每人最低消费$40
张贴
