弁慶 御好燒 鐵板燒

营业中

休息中

🇯🇵🍳🏮日本味道高质大阪烧✨桌面上会有海苔粉、七味粉、及鲣鱼粉提供✅鳗鱼玉子烧 -$95一份切开咗四件，里面嘅蛋真系好滑，以外皮就煎得好香，有蛋香，每件入边都会夹咗两旧鳗鱼，鳗鱼都冇咩骨，好容易入口亦都有鳗鱼汁嘅味道，都几好味。✅免治鸡肉烧 -$93呢个用铁板上，上枱好靓好吸睛，上面有大量葱粒，仲有只好靓嘅生鸡蛋喺上面。免治鸡肉饼有口感，食到一粒粒，捞埋蛋液又香又滑。✅牛舌 -$105牛舌都切得几厚，睇落去都好多件，有咬口而且烧得几好，会爆汁，隔离会配咗一啲生椰菜丝，新鲜爽口好清新，跟配嘅黑椒汁好正，好浓味，令牛舌提升到另一个层次。✅豪华大阪御好烧 -$148御好烧好厚实，唔会得粉，亦都唔会好散。食到有好多几爽口嘅椰菜，亦都有一片煎香咗嘅豚肉。而呢个豪华版嘅就有两只大虾，八爪鱼，同埋半粒带子，全部都煎香咗，配埋烧汁、蛋黄酱，仲可以自己再加海苔粉，好味😋✅盐曲烤伊比利亚猪 -$132烧得好靓，肉质鲜嫩，有咬口得来又唔会好硬，猪味香浓。仲有沙律菜、泡菜拌碟。