八沢 (已結業)

肚饿饿，想喺上环食日本餐都唔一定要贵嘅，嚟咗呢间满有日本情怀嘅八沢日本餐厅，呢度主要系食面类同串烧为主，地方虽然唔大但系装修得十分精致，场上仲印咗大大只柴犬，唔讲真系以为置身于日本丫。头盘点左牛舌、小牛排、鸡肾，师傅手势烧得刚刚好，锁住肉汁，食落唔会干。面就order咗黑蒜油炙烧豚肉拉面、烟三文鱼冷乌冬。拉面好得意煮完即起，我都系第一次食拉面食得咁特别，浓厚嘅黑蒜味啱晒我心水。而烟三文鱼冷乌冬就用咗麻酱捞，睇相就见到有几多三文鱼，哗！正呀！啱晒而家热辣辣嘅夏天食。