高木炭火鳥燒 (已結業)

同好姊妹开左工第二星期，大家都觉得顶唔住，要出黎食下野呻下， 大家都想回乡去，揾揾下揾到呢间满有日本风既店舖，外面几个红灯笼已劲有风味。内面好似选择唔多，但其实样样都劲吸引 我谂要分几次黎先可以食得晒。 其实好想好想啤啤佢 不过姊妹唔饮酒 ，只好变食肉兽，系咁食食食 。 点左个带子，好新鲜，虽然系烧却唔会变得太干身。 不得不提黑松露牛肉卷，劲多汁juicy , 好食到想再encore . 烧物唔整到干身真心难。 年糕亦好烟勒， 食得出师传好俾心机。 我俩最爱既馒鱼 食到想叫碗饭送一送。 最惊喜系烧菠萝 ，本来觉得菠萝毒， 一向无咩好感。 点知姊妹系咁话好好食， 原来佢外面加左焦糖 酸酸甜甜好正 。 难怪姊妹系咁叫我试 。 估唔到小店咁有惊喜 加上环境都舒服 变相系咁倾计 真系好似日本人收工必备节目咁。