影片
更多
2018-07-14
73 浏览
一直想试居酒屋好耐，终于揾到呢间北海道炉端烧试，好似去咗日本咁，成个环境都好舒服。嗌咗几款烤物，例如呢个烤花鱼一夜干。一夜干系北海道渔夫保存鱼既方式，将鲜鱼剖开，同清除内脏之后，会浸泡盐水，再经一夜风干，咁就可以令鱼肉更加鲜味，肉质更加紧实。食落味道唔会太咸，但保存咗鱼肉既鲜味，而且鱼肉好结实，好香口。加少少柠檬会更加清爽。亦都嗌左一个炒野菜，有椰菜萝卜洋葱同豚肉等，再配上酱油同味醂，用铁板上碟，令菜保留温度之外，亦有阵铁板香味，非常唔错。主食方面叫咗个酱油猪软骨拉面，估唔到呢度既拉都同样出色，唔输比出面既拉面店。汤底系酱油味噌，但有少少猪油香味，好浓厚既感觉。溏心蛋既蛋汁好香好滑，仲有木耳丝，笋丝同粟米，而猪软骨就煮得好淋好香酱油味。其后，店员好细心送上甲罗烧同烤炉，帮我哋淋上烧酒，仲教我哋点烧，只要烧三四分钟即可。食落好香蟹膏味，而且仲有啲蛋香，再加埋蟹肉食，非常吸引，味道仲好浓郁。而我亦好欣赏店家既烤物，系吧台旁边好清晰咁睇住师傅烧，不得不赞师傅，真系好细心咁烧，而且一个人烧咁多唔同既食物，都可以控制到火候同味道，抵赞。而我哋叫既稻草烤安格斯牛扒，有住好香既烟熏味同稻草香，配上脆
嗌咗几款烤物，例如呢个烤花鱼一夜干。一夜干系北海道渔夫保存鱼既方式，将鲜鱼剖开，同清除内脏之后，会浸泡盐水，再经一夜风干，咁就可以令鱼肉更加鲜味，肉质更加紧实。
食落味道唔会太咸，但保存咗鱼肉既鲜味，而且鱼肉好结实，好香口。加少少柠檬会更加清爽。
亦都嗌左一个炒野菜，有椰菜萝卜洋葱同豚肉等，再配上酱油同味醂，用铁板上碟，令菜保留温度之外，亦有阵铁板香味，非常唔错。
主食方面叫咗个酱油猪软骨拉面，估唔到呢度既拉都同样出色，唔输比出面既拉面店。汤底系酱油味噌，但有少少猪油香味，好浓厚既感觉。
溏心蛋既蛋汁好香好滑，仲有木耳丝，笋丝同粟米，而猪软骨就煮得好淋好香酱油味。
其后，店员好细心送上甲罗烧同烤炉，帮我哋淋上烧酒，仲教我哋点烧，只要烧三四分钟即可。
食落好香蟹膏味，而且仲有啲蛋香，再加埋蟹肉食，非常吸引，味道仲好浓郁。
而我亦好欣赏店家既烤物，系吧台旁边好清晰咁睇住师傅烧，不得不赞师傅，真系好细心咁烧，而且一个人烧咁多唔同既食物，都可以控制到火候同味道，抵赞。
而我哋叫既稻草烤安格斯牛扒，有住好香既烟熏味同稻草香，配上脆脆既炸蒜片同酱汁，而酱汁方面就系胡椒同蒜味既烧汁，非常惹味。牛扒烧得外脆内嫩，仲保留到好多肉汁，而且好有牛味，值得推荐。
张贴
