影片
更多
2021-12-17
102 浏览
有睇我我出文嘅人。都知我好钟意食烧肉，无论系日式、韩式、台式，讲到烧肉，我觉得最多烧肉餐厅嘅地方，一定系尖沙咀。呢间烧肉系尖沙咀经过好多次，一直都想食，女朋友甚至想去呢度帮妈咪庆祝生日，今次终于book到位同女朋友一齐去试。Wagyu Ya系一间主打岩手县直送和牛既日式烧肉店，每月出产数量唔多，平时都系日本内销多，所以好罕有，出名脂肪分布平均，肉味浓郁。 可以系MENU睇到有一张牛匠岩手ビーフ认定书既证书。店内除左有唔同和牛拼盘，仲提供锅物同其他主食，人气之选一定系和牛三文治。店内系用明火烧肉炉，除左够正宗，仲系视觉既享受。餐厅够细心每两个座位之间都会有独立嘅抽气，食完唔会成身油烟味。餐厅面积唔大，座位唔多，座位方面分为门口既高台，同入面舒适既卡座，出面有屋酒屋感觉，入面倾计舒适。-🥩 Tasting Menu 💰888/位 (两位起)餐厅呢排出咗一个新嘅tasting menu，可以一次过试晒佢哋嘅招牌菜式。-1️⃣ 和牛沙律 （👅: 8/10）前菜首先系一个沙律加上和牛，沙律食落够新鲜爽脆，上面嘅胡麻酱足够，特别在仲有加虾米，食落非常香口，令到味道层次更加丰富。和牛未食之前已经闻到佢既
Wagyu Ya系一间主打岩手县直送和牛既日式烧肉店，每月出产数量唔多，平时都系日本内销多，所以好罕有，出名脂肪分布平均，肉味浓郁。 可以系MENU睇到有一张牛匠岩手ビーフ认定书既证书。
店内除左有唔同和牛拼盘，仲提供锅物同其他主食，人气之选一定系和牛三文治。店内系用明火烧肉炉，除左够正宗，仲系视觉既享受。餐厅够细心每两个座位之间都会有独立嘅抽气，食完唔会成身油烟味。
餐厅面积唔大，座位唔多，座位方面分为门口既高台，同入面舒适既卡座，出面有屋酒屋感觉，入面倾计舒适。
-
🥩 Tasting Menu 💰888/位 (两位起)
餐厅呢排出咗一个新嘅tasting menu，可以一次过试晒佢哋嘅招牌菜式。
-
1️⃣ 和牛沙律 （👅: 8/10）
和牛沙律
7 浏览
1 赞好
0 留言
和牛未食之前已经闻到佢既油脂味，有轻微炙烧过，分量唔少，大概有6-7块，口感系软腍，部份比较微韧，但食落去油香味非常重。连埋沙律可以中和返和牛嘅油腻，整体够开胃。
-
2️⃣ 和牛紫苏天妇罗 （👅: 8.5/10）
和牛紫苏天妇罗
4 浏览
1 赞好
0 留言
天妇罗嘅外层炸次非常薄，所以食落去唔会觉得油腻，但会带酥脆嘅口感，入口首先系紫苏清香嘅味道，我本身对紫苏叶唔系好有好感，但呢个味道突出得来我又可以接受，之后就会品尝到和牛既味道，食落肉质鲜嫩，呢一旧肉味比较重，而且完全唔韧，而紫苏叶同时可以中和和牛嘅油腻，口感有层次，配搭完美，六粒完全系唔够喉。
-
3️⃣ 和牛鹅肝三文治 （👅: 8/10）
和牛鹅肝三文治
9 浏览
1 赞好
0 留言
多士炸到金黄色，咬落去好脆，口感偏硬少少，有少少牛油味，中间嘅系和牛炸成既吉列牛扒 ，大概烧到三成熟，厚度十足，咬落去算软腍，只系中间有一个位比较韧少少，咬落去冇骨肉分离，而油份被烧到逼出来，鹅肝入口细腻，会喺口入边融化，同和牛既油香相映成趣。呢个组合非常邪恶，因为系三文治所以冇咁油腻，喺味蕾嘅享受。
-
4️⃣ 话梅小蕃茄 （👅: 8/10）
话梅小蕃茄
10 浏览
1 赞好
0 留言
四粒小蕃茄浸满咗话梅汁，食落去系酸酸甜甜，话梅嘅甜味甚至可以中和蕃茄嘅酸味，蕃茄本身都清甜唔太酸，咬落Juicy，所以甜味好突出，整体清新开胃。
-
5️⃣ 和牛拼盘（👅: 8/10）
呢个和牛拼盘入边有日本熊本和王A5和牛既牛舌、牛肩胛、西冷、三角腩、薄烧，餐厅会提供三款烤肉酱汁，分别系wasabi渍、烧汁同岩盐，店员建议先食牛舌，由油脂最少嘅开始食先。
和牛拼盘
4 浏览
1 赞好
0 留言
和牛拼盘
2 浏览
1 赞好
0 留言
牛舌系最少脂肪，够厚身，所以要烧耐少少，咬落去系爽口弹牙，带嚼劲，食落牛肉味香浓，有肉汁，够香口。
牛肩胛咬落去软嫩，口感细嫩，多汁，不过有筋，食落去肉味比较浓，但同时带少少油脂。
咁多块最钟意西冷，轻轻每边烧十秒就差唔多食得，有入口即溶既效果，肉质最软嫩，带弹性，食落多肉汁，肉味最浓郁，同时油脂感丰富，肉味同油脂平衡得最好，够香口好食。
三角腩系牛前脚对上嘅腩位，份量稀小，入口都有即溶既感觉，咬落细腻，食落去油脂感爆发，比西冷更多油脂，反而牛味唔算太突出。
咁多款酱汁，我习惯食牛点岩盐就够，觉得系最夹，可以突显牛肉嘅鲜味，wasabi渍好似日本人食开既渍物。
另外依度有独立嘅抽气，所以食完都唔去成身都系油烟味。
-
6️⃣和牛樱花虾舞茸釜饭 （👅: 7.5/10）
和牛樱花虾舞茸釜饭
5 浏览
1 赞好
0 留言
-
7️⃣ 面豉汤（👅: 7.5/10）
面豉汤
2 浏览
1 赞好
0 留言
-
6️⃣日本士多啤梨 + 牛奶布甸 （👅: 7.5/10）
日本士多啤梨
2 浏览
1 赞好
0 留言
牛奶布甸
1 浏览
1 赞好
0 留言
-
🌟整体呢度既牛肉质素唔错，日本和牛食落有返乡下既感觉，坐系吧枱加上明火炉系烧肉既精粹，环境唔错岩同朋友一齐食饭倾计，店员会主动介绍，服务唔错。钟意食和牛既朋友可以一试。
-
👅味道: 8/10
🍴环境: 7.5/10
💰消费: $888pp (服务费: 10%)
张贴
