凡 (已結業)

行过见到呢间唔太起眼嘅餐厅，反而俾佢吸引住，里面空间剩系得六个座位，听到师傅亲切地打招呼嘅时候就决意入去一试👍🏻厨师发办前菜5款盛合款式都系比较少见：生洋葱叶鱼仔、酒酿巨峰提子、腌制鸭胸食落都别具特色。刺身5款盛合帆立贝、鱿鱼、三文鱼、牡丹虾、是令鱼生。必须要用终极好食去形容，每一款入口都系鲜甜嘅极致，白鱿鱼满是爽口、牡丹虾近乎透白。烧物蒸煮原只北寄贝，汤汁鲜味十足，葱花同昆布完全做到带甜，底部加上左湿嘅岩盐，系外围渗进咸香。煮物3款牛奶奶冻海胆、白子、时令鱼生粒。奶冻做得滑嫩，配上马粪海胆，满腔甘饴。白子口感软淋，光滑嘅外皮入口即溶。肉类和牛片用上荷叶系炉头炖煮，但都没有盖过牛肉本身嘅肉香和牛脂感，酱汁口感带点面豉酱嘅感觉，如果有碗米饭，一定好夹！温菜间场以大根、蟹肉、日式包团子清一清喉咙，味道带点黏口。饭食呢碗汤面小编都唔知点样形容(*¯︶¯*)貌似普通但系蕴藏着味道却系惊为天人，先系面条嘅烟韧带点弹牙，额外加上的冬菇片极为香浓。特别喜欢佢加上咗少少嘅七味粉点缀，味道带辛。甜品除咗有近期热卖嘅富有杮、更有香印提子同黄豆粉厥饼，绝对系完美嘅收结。日籍师傅每个步骤师傅都做得一丝不苟，计