麵屋一京 (已結業)

面屋一京🍜面店由日本师傅亲自主理，汤底主打豚骨酱油，喜欢浓味嘅可以选择背脂豚骨，而叉烧亦有分普通卤叉烧同真.叉烧(即慢煮叉烧)，我比较喜欢浓味所以拣左豚脂酱油真.极上拉面，汤底虽然加入背脂但一啲都唔觉油腻，入口好香豚骨同酱油味道，有层次感，而叉烧因为系用慢煮方法所以可以保留猪肉本身新鲜嘅色素，其实系熟㗎，我知好多人都未必接受到血红色嘅叉烧放入口，但慢煮叉烧其实已经系一个潮流，好多地方已经用左好耐，只系香港人唔系咁多人接受所以好多拉面店就算用慢煮方法煮叉烧都唔敢煮得太红，大家真系放心去试下啦，讲完叉烧到拉面，拉面用上粗直面，面质爽滑唔错，而半熟蛋亦做到流心效果，价钱$108虽然感觉比较贵，但香港始终舖租同人工贵所以我觉得价钱都算合理嘅，好多人都会话香港拉面又贵又唔好食，情愿去日本食，我都知日本嘅拉面好食，但唔通每次想食就飞去日本食咩，其实香港都有好多好食嘅拉面小店，佢哋都系好用心去煮每一碗拉面比客人。