台風。R

营业中

休息中

呢间良心拉面店由旺角开到去港岛，人气不减，我地食完8点出返黎已经大排长龙。店内不停播放动漫音乐， bar枱则放满figures，见店员同师傅用日文沟通先知拉面由日本师傅主理，难怪咁多人话味道正宗。🍽浓厚蟹虾豚骨拉面 $88 追加紫菜 +10汤底呈橙黄色，虾蟹味都好浓郁，拉面嘅面条较粗身够弹牙。面嘅软硬度同份量可自己拣，提提大家呢度嘅份量系一般拉面店嘅1.5倍，建议女士拣少面。叉烧同平时食开嘅火炙叉烧唔同，望落好似未熟粉红色咁，原来系为锁紧肉汁而用真空低温法制成，口感比较嫩滑软淋。我地追加左份紫菜，无谂过有咁多块，两个人分都够！ 🍽鱼介豚骨沾面 $83沾面比拉面嘅汤更浓厚，鱼香好重，唔算太咸，面底粗特别挂汤，夹埋葱丝食会无咁腻。个汤底冻得比较快，可以请店员放热石落碗汤度。我地呢碗多左只蛋因为一开始师傅搞错左order，但店员都好有礼貌同好快上返碗面，半熟蛋流心，笋丝唔靭有调过味，整体黎讲唔错。