和処 酒肴 (已結業)

今日系四月份既头几日，亦系我出左粮既日子，工作咁辛苦咁大压力，我既减压方法，就系食好嘢啦。今日我就book左依间由日本师傅主理的厨师发办，用我微弱既日文知识，努力交流下啦。依到既Omakase好掋食，有分两个价钱，包涵好多款嘢食，我都好少食过一间份量如此丰富既厨师发办。前菜有5种，有蛋卷，炸鱼，松前渍等等，炸鱼竟然系冷菜，入口凉嫁，令我好惊喜。蛋卷就加左黑松露，好有香气。刺身有 牡丹虾，间八，立鱼，左囗鱼，卖相都好得体。牡丹虾一早拆晒，仲放有鱼子，间八同立鱼都好结实，鱼肉鲜美，无多加调味已经好食。依两只生蚝，黎自北海道，生蚝都好大只，最特别系用小酒杯装住啲酒黎食，正。寿司有成十件，件件都好正嫁。松叶蟹寿司好鲜甜，海水味好足好浓，完全系啖啖肉。鸟贝寿司就够生动，师傅一拍一打，贝肉收缩，好得意呀。炙烧金目鲷，烧后鱼味浓郁，好好味㖞。最后仲有汤同柚子雪葩。估吾到个汤入面有粒肉丸，肉丸好松软，个汤好滑好有鱼鲜！