影片
更多
2023-01-03
924 浏览
📌 コメダ珈琲店 - 红磡黄埔天地黄埔号(第6期)AEON Style地下G01号舖🗓(24/12) 星期六 ⏰ 下午3点左右 💈特式：呢间连锁cafe我去日本旅行时都有去过，见佢系香港开第一间分店，一直都想去试，但无奈日日大排长龙，见今日系附近睇戏，佢又可以手机攞飞，咁就系差唔多电影散场前一个钟手机攞定飞，睇完戏去到门口都仲又大约等多15分钟先有得入座，但都比系门口干等好好多。🥩🍔🌭🌮🥗🥯🥘🍲🍝🍣🥟🍤🍱食物：因为睇左成3个钟电影，由唔肚饿都变到肚饿，所以就叫多几样野食下，睇下佢同系日本食分别大唔大我，等我同大家讲下🎌味道先。香辣炸猪扒方堡 - 本身想食味噌味，但见佢呢个系同日本名店中村屋共同研发嘅口味，好似比较独特、所以就叫呢个，一上枱感觉系估唔到有咁大旧，落单时仲可以选择将个方堡一开二或一开四，我已经拣左开四，但每件都仲好大件，要再开二/三件先可以成件摆入口，味道就一d教唔辣，但有咖哩香味，炸猪扒好脆又唔油，个包都好松软，卖$75蚊我就觉得唔贵。KOMEDA黄金炸牛堡 - 本身系想叫正常汉堡扒嘅汉堡，但佢呢个标明<香港限定>，就点都要支持下香港口味，呢
🗓(24/12) 星期六 ⏰ 下午3点左右
💈特式：呢间连锁cafe我去日本旅行时都有去过，见佢系香港开第一间分店，一直都想去试，但无奈日日大排长龙，见今日系附近睇戏，佢又可以手机攞飞，咁就系差唔多电影散场前一个钟手机攞定飞，睇完戏去到门口都仲又大约等多15分钟先有得入座，但都比系门口干等好好多。
🥩🍔🌭🌮🥗🥯🥘🍲🍝🍣🥟🍤🍱
食物：因为睇左成3个钟电影，由唔肚饿都变到肚饿，所以就叫多几样野食下，睇下佢同系日本食分别大唔大我，等我同大家讲下🎌味道先。
香辣炸猪扒方堡 - 本身想食味噌味，但见佢呢个系同日本名店中村屋共同研发嘅口味，好似比较独特、所以就叫呢个，一上枱感觉系估唔到有咁大旧，落单时仲可以选择将个方堡一开二或一开四，我已经拣左开四，但每件都仲好大件，要再开二/三件先可以成件摆入口，味道就一d教唔辣，但有咖哩香味，炸猪扒好脆又唔油，个包都好松软，卖$75蚊我就觉得唔贵。
KOMEDA黄金炸牛堡 - 本身系想叫正常汉堡扒嘅汉堡，但佢呢个标明<香港限定>，就点都要支持下香港口味，呢个卖$60蚊就比起炸猪扒方堡无咁抵，佢个包都大片，都系松软，但个炸牛汉堡就偏细块，亦唔觉有咩特别，我相信正常汉堡扒会好d。
迷你冰与火 - 呢个冰与火系招牌甜品，不可不叫，不过因为惊食唔晒，所以叫迷你，但原来迷你都好大旧，可以分到6件，真系唔知唔迷你会有几大，讲下味道先，首先toping个牛奶雪榚真系好重奶味，口感又滑，又唔太甜，下面旧丹麦面包就有少少似牛角包咁嘅质感同味道，但我整体都系好高评价，仲要只系$48蚊，唔止唔贵，直头系抵食。
☕️🍵🥤🧋🍺🍷🥃🍹🧉🍾🍶🥛
饮品 - 饮品我就叫左一杯最元祖嘅KOMEDA咖啡同一杯果冻朱古力咖啡，始终佢系一间cafe，咖啡就一定系做得最出色，而且佢嘅咖啡种类真系多到花多眼乱，但相比下我就会饮就普通元祖咖啡多过其他特饮。
🍽环境：餐厅装修大致上都系喂跟返日本店个design，欧陆风配上红色梳化，加上间舖开张无耐，所以仲系好新净整洁。
🤵🏻🤵🏻♀️🤵🏻♂️服务：因为系用QR Code落单，埋单亦都系自己出收银处，所以职员主力都系上菜同收碟，但职员态度都唔错，上菜/收碟速度亦都好迅速。
💰💸价钱：今日叫左两个主食，一个甜品，两杯饮品，埋单都只系$270左右，原来以为呢d过江龙实会收好贵，但埋单又觉得都算合理。
🐲💬总结：我觉得佢虽然未做到同日本咁，上枱食物同相片100% match，但都做到起码有80%，我已经觉得有所交代，加埋价钱唔算贵，唯一缺点就系要预好多时间排队等位。
推荐指数：❤️❤️❤️❤️🤍
香辣炸猪扒方堡
$75
13 浏览
1 赞好
0 留言
KOMEDA黄金炸牛堡
$60
11 浏览
0 赞好
0 留言
迷你冰与火
$48
18 浏览
0 赞好
0 留言
KOMEDA咖啡
5 浏览
0 赞好
0 留言
果冻朱古力咖啡
11 浏览
0 赞好
0 留言
张贴
