麻布茶房 (已結業)

懒悠悠嘅Sunday,下午茶时间走左去食甜品～九龙湾麻布厨房～餐牌上面嘅甜品好吸引，做到同日本冇咩分别哦^_^，但味道就未知住～入座后，店员好细心递上暖笠笠嘅绿茶，茶杯好别致，绿茶暖度又啱啱好～外面天气炎热，店内冷气相当足够，好清凉！暖暖嘅绿茶刚好中和一下突变嘅室温～贴心哦！落单后，店员好细心告知，甜品制作需要啲时间，麻烦客人耐心等候～其实都唔使等好耐，甜品好快上台，不过有店员嘅主动提点，又加一分吧！宇治金时扭纹雪糕淋上绿悠悠嘅绿茶酱汁，外型好吸引！雪糕下仲有旧2cm厚嘅日本蕃薯！雪糕味道偏淡，奶味唔够浓，但配上绿茶酱汁味道就啱啱好！蕃薯肉偏干，蕃薯味普通偏淡。雪糕食到临尾唔够酱汁，所以变到冇咩味⋯白玉蜜果冰淇淋卖相都唔错，配料色彩缤纷，附上黑糖酱淋上雪糕用。雪糕原味与宇治个雪糕同出一彻，所以都冇咩味，要加上黑糖酱先够甜，配料有士多啤梨、白肉水蜜桃、汤丸、杏甫肉⋯样就靓，但⋯可惜冇乜味，士多啤梨偏酸，汤丸冇馅冇味，仲有代表「白玉」嘅大菜糕?⋯冇味！！噢⋯整体上只有雪糕系接受到，质地幼滑！虽然奶味淡，但其他配料都系多此一举！外表系可以做到好似日本甜品咁吸引呀，但味道就⋯回头机会好低喇。