匠一麵屋 (已結業)

长沙湾呢间拉面小店卖点系拉面系由日本拉面师傅主理，所以够日本风味🇯🇵小店唔算好大，但系座位都唔算少。拉面拣咗酱油拉面及豚骨汤底拉面，个人比较喜欢食酱油拉面，因为酱油拉面汤底唔会好咸，而且几香酱油味，呢度嘅拉面系比较粗身，份量都几多。拉面软硬度及粗幼度都系冇得选择，全部系由师傅主理。拉面都尚算几弹牙，但系一碗份量都几饱。糖心蛋整得唔错，拉面仲有葱及笋。豚骨汤拉面相对地汤底较「结」较creamy，比较浓味，适合钟意浓汤或口味较重既人。小食叫咗一份细嘅炸鸡，有四件。炸鸡都几大件，炸得几香脆；仲有柠檬及沙律酱。饺子煎得好靓，个底脆脆地。可以一试日本师傅嘅传统手艺。