日暮家 麵匠 (已結業)

选址尖沙咀大型商场后面一条小巷，周围都有唔少食肆同零售铺头，但好多都执晒，好可惜，唯独呢间拉面店装潢新颖，灯火光明，店外有只神兽坐镇，看守住间铺头，俾人一种朝气蓬勃嘅感觉！当晚去已经距离开幕一个月左右，估唔到6点零去到都要排队，期间有人招待你点餐、扫安心出行，仲提点你人齐入座、限时食45分钟，过程好顺利，等咗唔够半个钟就入座！一黎就点咗个「日暮拉面」，由最原始嘅口味试试佢！汤底我拣咗少油、清淡汤底，见到厨师即场根据客人口味去调制个汤底，比我想像中易入口。面身就拣咗硬少少，希望保守个弹牙口感都做到。而比我最大嘅惊喜系慢煮豚肉叉烧，完全无外面食过好烟韧、咬唔开、好干身嘅质感，佢系肉身好软，一咬就散开，化入人中嘅质感，配埋少少黑椒，好入味！额外再加咗只溏心蛋，用日本梦王蛋做嘅，蛋黄金橙色，蛋味超浓郁，一定要加配！另外再加咗个「明太子酱天妇罗无骨鸡翼」，炸得好脆好啱味，鸡肉又好滑嫰，配埋明太子酱同少少沙津酱，简直超夹！