稻荷屋台拉麵 (已結業)

呢日同男朋友系尖沙咀睇完婚纱饿饿地，唔想食韩国菜，见到呢间新开既拉面店，门口有d杂志介绍，见装修都几有特色就走左入去。可能因为下午茶时段所以唔算好多人，原本想求其食碗面就闪，但店长就好细心(哈哈，其实都几长气)咁介绍。我唔系一个食家，所以对拉面其实唔系咁熟悉，店长话佢地卖既系北海道札幌拉面，配方同原料都系由北海道入口，仲系无落味精咁话。除左拉面佢仲介绍我地食昆布渍，话佢地用既罗臼昆布系日本被称为王者昆布，唔系咁易入到货。但点讲都要食左先知。我地卒之order左一碗真拉面、一碗海拉面同一份昆布渍。昆布渍先到，要既系柚子味，清清地唔会遮左昆布既清香，食落同一般昆布的确有d唔同，佢系比较爽脆，仲唔潺，好味。过左一阵我碗真拉面就送到面前，店长好客气话因为配料要逐份炒所以要等耐d。人地话西山拉面好出名，我食落又真系几好味，最紧要系食到最尾d面都无淋，你知女仔食野耐架啦。佢地既叉烧唔系好似五花腩果d，而系比较瘦既。我自己就钟意瘦d，况且佢地既叉烧有咬口得黎都好嫩滑。过左五分钟男朋友碗海拉面又到喇。虾唔算大但都好入味($88应该唔系日本虾挂，哈哈)，有d淡淡既清酒味，我男朋友好钟意，我自己因为唔钟意