影片
更多
2024-08-16
589 浏览
今日系妈妈生日，所以决定带佢去将军澳嘅「乐面」庆祝🍾️一入到去已经觉得啲装修好靓好有日本感觉！！ 呢间日式拉面店认真高质，除咗拉面之外，仲有好多唔同嘅小食～～🍲「唐扬日本秋葵酿虾胶炸串」一上枱已经见到佢嘅金黄色，每串仲有三粒，一家人share食都冇问题～秋葵外层炸得金黄脆口，内里嘅虾胶充分保留虾肉嘅鲜味，外面好脆入边又好弹牙软熟。口感丰富层次多，食秋葵嘅朋友都可以试吓！！🥟「鸡香盐汤配日系拉面」嚟到拉面舖冇可能唔试吓拉面嘅，汤底就咁睇好清，但系饮落够晒咸仲好鲜甜添～最紧要系饮完之后味精都唔会好多，冇好想饮水嘅感觉！！拉面厚度啱啱好好够挂汤，而且食落好烟靭添... 而且佢仲有几片鸡肉好嫩滑，啲笋都好够味，最紧要就系有只温泉蛋，令到成件事更加日本！！配埋芽菜同埋其他嘅蔬菜，拉面整体嚟讲好足料好丰富！！🍜无论系环境、拉面定系炸物都好，都神还原咗日本嘅感觉，真系非常之值得推介大家去试吓～☕️最后，餐厅仲有提供嘅热茶，对于我呢啲一家大细去嘅朋友就够晒细心，唔使额外叫饮品啦～唔知系咪因为新开呢？冇咩人～如果大家去开将军澳一定要去试试啦😆😆
今日系妈妈生日，所以决定带佢去将军澳嘅「乐面」庆祝🍾️一入到去已经觉得啲装修好靓好有日本感觉！！
呢间日式拉面店认真高质，除咗拉面之外，仲有好多唔同嘅小食～～
🍲「唐扬日本秋葵酿虾胶炸串」
一上枱已经见到佢嘅金黄色，每串仲有三粒，一家人share食都冇问题～
秋葵外层炸得金黄脆口，内里嘅虾胶充分保留虾肉嘅鲜味，外面好脆入边又好弹牙软熟。口感丰富层次多，食秋葵嘅朋友都可以试吓！！
🥟「鸡香盐汤配日系拉面」
嚟到拉面舖冇可能唔试吓拉面嘅，汤底就咁睇好清，但系饮落够晒咸仲好鲜甜添～最紧要系饮完之后味精都唔会好多，冇好想饮水嘅感觉！！拉面厚度啱啱好好够挂汤，而且食落好烟靭添... 而且佢仲有几片鸡肉好嫩滑，啲笋都好够味，最紧要就系有只温泉蛋，令到成件事更加日本！！配埋芽菜同埋其他嘅蔬菜，拉面整体嚟讲好足料好丰富！！
🍜无论系环境、拉面定系炸物都好，都神还原咗日本嘅感觉，真系非常之值得推介大家去试吓～
☕️最后，餐厅仲有提供嘅热茶，对于我呢啲一家大细去嘅朋友就够晒细心，唔使额外叫饮品啦～
唔知系咪因为新开呢？冇咩人～如果大家去开将军澳一定要去试试啦😆😆
张贴
