鳥棲日本料理 (已結業)

骆驼漆大厦有好多特色小店，平价波鞋，同埋餐厅，可以食，买，行足一日。餐厅门口有个好靓既植物墙，餐厅 logo 就系墙中间，座位阔落，有梳化。- 烧鸡皮饺子 ($58)鸡皮好薄，本身有少少油份，所以烧得超级香脆。 食落有鸡油香味，但又唔觉太油腻，一定要试下。- 吉列广岛蚝 ($58)广岛蚝肉质饱满肥美，外皮香口松脆。- 原条鳗鱼炒饭 ($148)好大条鳗鱼，仲要系原条上，好满足。鳗鱼肉厚肥美，烧得好香，上面有略带甜味的烧汁。炒饭干身爽口，配料丰富。- 松叶蟹钳海鲜锅 ($148)海鲜锅好足料，主角当然有松叶蟹钳，另外仲有大大只广岛蚝，带子，冬菇，粉丝，杂菜。汤底好鲜甜，味道唔会太浓。蟹钳已经拆咗壳，唔使食得咁辛苦。整体而言，食物种类丰富，有特色，而且性价比高，下次去骆驼漆行街可以再试下。