嵐山日本料理

营业中

休息中

到了尖沙咀, 想食日本菜, 见到较清静的棉登径, 有呢间副有日本传统的日本料理食店, 所以入去一试, 今日6:00到, 时间尚早, 座位舒适, 侍应先上前菜, 中间的东西好特别, 原来系三文鱼头骨, 用醋浸过, 酸味味的, 好脆口, 冇腥味㖞, 而且好薄身, 旁边还有荞头同牛蒡，好健康的食材, 之后系海鲜沙律, 鱼生好新鲜，配上温室豆苗及爽口沙律菜, 加上WASABI及酱油, 好味, 还有面层的蟹籽, 好美味,上了重头刺身油甘鱼, 池鱼,伊左鱼,油甘鱼及三文鱼, 叫了姜蓉池鱼配上他他紫菜包住, 非常有新鲜感,肉质结实, 又爽口, 冇鱼腥味, 姜蓉仲带出鱼鲜甜味添($68); 还有伊左木鱼($70), 有层皮, 好烟韧,另外有油甘鱼($68)及三文鱼(38), 好新鲜, 肉质鲜甜, 好香油香味天气转冷, 当然要叫一个热牛肉锅, 好足料呀 , 有薄片牛肉, 完全唔韧, 好腍, 还有菜, 冬菇, 豆腐、粉丝、金菇及粟米等等, 汤底好甜, 最后叫了鳗鱼炒饭($98)，好厚身的鳗鱼粒, 唔腥㖞, 配上粟米冬菇粒, 饭身干身, 不会黏口, 好饱肚满足呀!