影片
更多
2021-03-17
85 浏览
尖沙咀有间居酒屋叫做「博多·炉端烧」。招牌写住「博多よかろうもん」。原来「よかろうもん」系博多方言，解作很好吧/不好吗。餐厅确实有日本师傅坐镇，用方言做店名变得好自然。餐厅每日有十几款万菜（おばんざい）。 细细碟嘅菜肴，无论作前菜抑或系下酒菜都好合适。今次试咗九款，当中以🧀胡麻芝士豆腐（$68）最令人回味。入口似平时冻食嘅豆腐，但会有淡淡嘅芝士味渗出嚟，而口感则似香滑嘅cheese cake。另一款较推介嘅系🌽白粟米土佐酢（$48）。白粟米嘅清甜加上土佐醋嘅酸味，味道变得好温和，仲好开胃。食万菜食到差唔多，烧海鲜开始上枱。值得一提嘅系唔少鱼类都经过aging，味道变得更浓郁。鲽鱼一夜干（$58）加入甜味酱汁烧制，鱼肉变得香甜多汁。蕾鱼天日干（$58）经过简单盐烧，香脆可口。🦪唐泊烧惠比须蚝（$70）系一款由福冈县唐泊港直送嘅得奖蚝。蚝肉饱满大只，有好重海水味。琵琶虾（$238）味道鲜甜，肉质结实弹牙，食得出好新鲜。虽然炉端烧以海鲜为主，但亦有其他选择。极上和牛牛舌（$198）选用牛舌芯，肉质嫩滑软身又带有弹性，配埋辣味噌特别惹味。大葱（$48）味道清甜，烧得好香。我哋仲试咗🧀芝士烧饭团
餐厅每日有十几款万菜（おばんざい）。 细细碟嘅菜肴，无论作前菜抑或系下酒菜都好合适。今次试咗九款，当中以🧀胡麻芝士豆腐（$68）最令人回味。入口似平时冻食嘅豆腐，但会有淡淡嘅芝士味渗出嚟，而口感则似香滑嘅cheese cake。另一款较推介嘅系🌽白粟米土佐酢（$48）。白粟米嘅清甜加上土佐醋嘅酸味，味道变得好温和，仲好开胃。
食万菜食到差唔多，烧海鲜开始上枱。值得一提嘅系唔少鱼类都经过aging，味道变得更浓郁。鲽鱼一夜干（$58）加入甜味酱汁烧制，鱼肉变得香甜多汁。蕾鱼天日干（$58）经过简单盐烧，香脆可口。🦪唐泊烧惠比须蚝（$70）系一款由福冈县唐泊港直送嘅得奖蚝。蚝肉饱满大只，有好重海水味。琵琶虾（$238）味道鲜甜，肉质结实弹牙，食得出好新鲜。
虽然炉端烧以海鲜为主，但亦有其他选择。极上和牛牛舌（$198）选用牛舌芯，肉质嫩滑软身又带有弹性，配埋辣味噌特别惹味。大葱（$48）味道清甜，烧得好香。我哋仲试咗🧀芝士烧饭团（$38）同埋滑🍙金菇烧饭团（$38）。白饭烧得带焦香，金菇以酱汁煮过，香甜美味。
🍮天神布甸（$48）蛋香味好重，质地比一般鸡蛋布丁有弹性。🍵星野村布甸（$48）采用福冈八女茶，味道甘甜。
是日品尝嘅九款万菜：
博多海带蒟蒻条$38
茄子扬煮$38
南瓜红豆煮$38
金平根菜$38
宫崎菠菜与茸御浸$48
长芋鱼肉沙律$48
白粟米土佐酢$48
鸡胸软骨南蛮渍$48
胡麻芝士豆腐$68
张贴
