熊拉麵 (蘇杭街)

营业中

休息中

挂住日本🇯🇵但冇得飞，唯有食拉面🍜顶住心瘾先。上环呢间良心小店绝对值得一试。首先环境装修充满日本小店Feel，铺面唔算大，但有齐吧台同埋二至四人拣。餐厅做足防疫措施，中午时间排左十五分钟先入座。招牌熊拉面（$88）面身软硬度适中，汤底浓郁但唔会过咸。中途加左少少辣芽菜落汤底，成个拉面嘅汤底就转左另一种风味☺️ 今次拣左梅头瘦叉烧，感觉轻盈啲，不过就冇左火炙肥叉烧果种炙烧风味。配料溏心蛋就正正常常，木耳丝就令到拉面更加有口感！自家制辣葱饺子🥟有五只，饺子边煎到脆卜卜，配埋辣葱一齐食系几特别嘅。