影片
更多
2025-01-28
6646 浏览
餐厅地方好大，环境舒适，午市$338食足3个钟，食得唔急唔赶，坐得又舒服👍。餐厅一部份以QR Code📱落单，另一部份系自助区🚶♀️，响自助区都有好多嘢食好多嘢饮。🚶♀️自助区👇🍺饮品区确系唔野少，好似我哋咁好酒嘅一定开心，有几款大品牌嘅啤酒，嘉士伯、喜力、朝日等，连日本果汁酒及烧酎都有，当然有冷泡茶、果汁及汽水等；想清清地都有茶包例如玄米茶及煎茶可以冲；除咗雪柜内，另一边仲有酒鬼喜欢嘅有梅酒清酒、红白酒等。🍲熟食区🍤有烤榴梿、炸鸡、芝士西兰花、 豚肉肠、辣酒煮花螺、麻辣小龙虾连虾饺点心都有呀，汤类就有虫草花乌鸡汤，熟食我哋觉得超正嘅系烤榴梿，超绵腍又够香，添食之选。🦐冻海鲜水果🍒有青口、冻虾及濑尿虾；水果有蜜瓜、蜜柑、车厘子及大大粒青提，最特别连人参果都有。🥗沙律小食🧆有成廿几款餐前小食及沙律，有烟鸭胸、火腿片、烟三文鱼及𩠌酒小食如饼干及果干等。🍦甜品区🎂有椰汁西米露、乳酪、豆腐花、大福、布甸、软雪糕及雪糕配料等。最紧要当然有movenpick及häagen-dazs雪糕喇，另外仲有冲绳海盐雪糕及日本巨峰雪条添😋。📱QR Code落单👇🥢创作料理 花雕醉鲍鱼，鲍鱼超软腍入味；鲟鱼子酱
餐厅一部份以QR Code📱落单，另一部份系自助区🚶♀️，响自助区都有好多嘢食好多嘢饮。
🚶♀️自助区👇
🍺饮品区
确系唔野少，好似我哋咁好酒嘅一定开心，有几款大品牌嘅啤酒，嘉士伯、喜力、朝日等，连日本果汁酒及烧酎都有，当然有冷泡茶、果汁及汽水等；想清清地都有茶包例如玄米茶及煎茶可以冲；除咗雪柜内，另一边仲有酒鬼喜欢嘅有梅酒清酒、红白酒等。
🍲熟食区🍤
有烤榴梿、炸鸡、芝士西兰花、 豚肉肠、辣酒煮花螺、麻辣小龙虾连虾饺点心都有呀，汤类就有虫草花乌鸡汤，熟食我哋觉得超正嘅系烤榴梿，超绵腍又够香，添食之选。
🦐冻海鲜水果🍒
有青口、冻虾及濑尿虾；水果有蜜瓜、蜜柑、车厘子及大大粒青提，最特别连人参果都有。
🥗沙律小食🧆
有成廿几款餐前小食及沙律，有烟鸭胸、火腿片、烟三文鱼及𩠌酒小食如饼干及果干等。
🍦甜品区🎂
有椰汁西米露、乳酪、豆腐花、大福、布甸、软雪糕及雪糕配料等。
最紧要当然有movenpick及häagen-dazs雪糕喇，另外仲有冲绳海盐雪糕及日本巨峰雪条添😋。
📱QR Code落单👇
🥢创作料理
花雕醉鲍鱼，鲍鱼超软腍入味；鲟鱼子酱咸香味鲜，牛油果蟹肉最终饼都好正，必然之选。
🐠刺身类
松叶蟹脚、油甘鱼、金枪鱼腩、池鱼王、北海道带子、赤贝及海赤虾，食过呢几款都好新鲜及鲜甜，添食之选。
🍘炙烧寿司卷物
连江户前寿司都有，最钟意就系海胆托罗黑松露带子及鱼子酱拖罗，口感丰富又肥美，不二之选。
🍣军舰
有我最喜爱嘅日本北海道海胆军舰及海胆拖罗鳕鱼干手卷，有鳕鱼脆片、三文鱼籽、海胆及拖罗蓉，非常丰富口感，值得一添再添。
🍲一品料理
金汤烩花胶、瑶柱扒豆苗、花胶海参瑶柱翅羹、蜜汁脆鳝、避风塘炒蟹及鲍汁鲍鱼捞一口花菇饭，呢几款都好有特色同时亦系回本之，我哋就最钟意鲍汁鲍鱼捞一口花菇饭，鲍鱼超大只，花菇饭味道超香，而蜜汁脆鳝亦够香脆甜蜜。
🍡烧物
西京烧比目鱼、香草羊鞍、串烧牛舌及菠萝，牛舌及菠萝我哋都叫咗几转。
🍤炸物及天妇罗
榴梿炸弹及香芋丸，炸物中嘅甜品，够哂香脆甜蜜。
🥘面锅
清酒煮蚬及鲍鱼皇帝蟹黄粥都好似好正， 不过已经食唔落。
🦪蒸焗铁板 🥥
蒸扇贝及珍宝鲜蚝够哂新鲜；椰皇燕窝炖蛋白，滑溜滋阴唔甜；铁板鹅肝厚多士，鹅肝超厚；烧乳鸽王肉嫩味浓好好味，可惜叫第二转已售罄，下次一定要叫多啲。
虽然今日超多人，全餐厅满座，但系都完全冇漏单，收碟速度又非常之快👍，三百几蚊鱼子酱任食，再加埋所有海胆菜式都系使用日本海胆，所以响呢间餐厅食buffet ，唔使担心回唔到本😝。
张贴
