日和号壽司料理 (已結業)

有次去 MegaBox  行街，行到攰攰哋，发现溜冰场隔离有间日本嘢，俾佢有趣嘅装横吸引咗过去。😯 原来佢仲做紧单点项目半价嘅优惠，所以就入左去试下。🤩餐厅嘅名称就系叫「日和号」，好似日本𠮶啲火车名咁。🇯🇵 入面中嘅卡位，真系好似搬咗一架日本嘅电车咁，带埋小朋友去食佢哋应该几钟意。🚄单点嘅项目呢，其实包含晒刺身，寿司，军舰同埋小食。🍣 选择都有好多，为咗可以试到佢唔同嘅寿司，所以我哋每款净系叫一份。🤔 除咗花之恋之外，寿司同军舰都系一份两件嘅。✌🏻 再加上做紧半价，嗌多啲都唔肉赤呀。😇刺身方面，水准都唔错，切得比较厚身，入口口感非常满足。😚 而寿司方面建议大家一定要点呢个六吋长三文鱼，真系好长呀，钟意食三文鱼嘅朋友一定唔可以错过。🎣 呢都亦有唔同款嘅火炙寿司，有啲都比较有新意㖞，例如有火炙胡麻酱帆立贝同埋火炙胡椒油子帆立贝。🧐 微微烤过嘅帆立贝，鲜甜之余，配上呢啲配料嘅味道，感觉令到鲜味更升华，的确几有趣。😝小食方面呢，章鱼小丸亦系半价，入面都有粒粒有口口感烟韧嘅章鱼。🐙总括而言，呢度嘅用料都新鲜，再加上计番半价，其实都几抵食！🤑