道北工房 (已搬遷) 新店位置

日本料理款式多，今日同朋友两个人嚟天后呢间道北工房食野，楼高两层，二楼先系餐厅，如果约咗老人家嚟就要留意喇～一坐低，嗌返件生蚝过下瘾，店家推荐日本生蚝，细细只但好肥美，仲有好fresh嘅海水咸香，餐厅有小叉提供，好贴心。除咗生蚝，仲有好肥美嘅原板特大海胆！平时都好少食海胆，朋友介绍下都食咗好多件，店员话呢批海胆来自秘鲁，肉质鲜甜肥美，入口更加有浓浓香味！唔食饭点够饱，听讲呢度嘅煲仔饭好出名，点都要试下！拣咗日本极黑豚肉京葱煲仔饭，同港底酱油味唔同，黑豚肉咬落香甜，啲饭仲落咗啲黑椒，好惹味呀！