CHIMPZ (已結業)

呢日放工之后同朋友去铜锣湾行街，我哋揾咗呢间西餐厅食dinner。打开餐牌，见到呢度都有几多选择。我哋点咗两个主食再加两款甜品。首先系日本甲罗烧蟹膏味噌烩意大利饭，意大利饭煮得好creamy，甲罗烧上面有浓浓既蟹膏，将啲蟹膏捞落意大利饭一齐食，加添左好多鲜味。另外仲有厚切西冷牛扒配红菜头蕃薯蓉及杂菌，厚切西冷牛扒好够份量，非常厚身，煎到5成熟，keep到入面啲肉好嫩滑同多汁，配埋红菜头蕃薯蓉同杂菌，够哂健康。甜品同样高水准。饮品都唔错。呢度仲有得储印花，下次经过铜锣湾再嚟食先。