Cocolo Tokyo Cake Factory (利東街)

营业中

休息中

妈咪一向钟意食苹果批，经朋友介绍湾仔利东街地库商场，有一家由日本直送嘅青森苹果批非常美味，放工就约埋阿妈一齐去食苹果批😋。店舖系地库商场，都好容易揾倒，店铺有一个专门放批嘅专柜，另一边就系放精美嘅蛋糕柜，一冷一热分配得好好😆⋯⋯门口仲有一个饮品冻柜，对面放左两张小圆枱，可以供客人即时享用食物。😋日本直送青森苹果批 - 系酥皮批黎，正到爆，酥皮层层叠叠，互相交叠，一口咬落去，清脆声即时系耳旁响起😆，可见非常松脆😋，入边酸酸甜甜嘅青森苹果粒同吉士奶油系口腔互相交融，整体味道balance得非常出色。😋纯朱古力蛋糕 - 浓郁嘅朱古力味道，非常钟意，配搭上松软嘅海绵蛋糕，唔太甜。😋梳乎厘芝士蛋糕 - 梳乎厘同芝士蛋糕混合体😆，平时食梳乎厘总觉得似食左阵风咁😂，呢款就有番啲质感，入口湿润，芝士味浓，呢款都系非常出色👍🏻。