Suage北海道湯咖哩

营业中

休息中

未有机会去北海道, 就系朗豪坊顶住档先啦!! 哩度标榜汤底都系用番日本自家农场既原材料。自从佢开左之后, 每次行过哩层都闻到佢阵咖哩味~选择好大弹性, 多款食材, 配搭饭, 拉面, 乌冬都得。汤底香料味十足, 甜甜地又带微微辛辣。其中一款要左椰子汤咖哩 , 比普通既咖哩汤质感浓厚DD而且更添椰香。蔬菜果然系主角之一, 烤香左特别好味, 由其是南瓜, 好香甜!和牛肩胛大片软嫩, 豚角煮都煮到腍香入味, 表面仲有焦香。为食得制仲加左串脆皮鸡腿肉~~除左咖哩汤, 小食都好多款, 推介🦑海苔天妇罗鱿鱼🦑咸香薄脆好香口。