千府·居食屋 (已結業)

今晚同女朋友庆祝拍拖周年纪念日，一早揾定间餐厅同佢庆祝！做定功课女朋友最爱食日本菜，早早之前上网睇到旺角区新开左一间日式居酒屋，位置近旺角东火车站，听闻质素高！今晚黎到枱枱都满座，好彩一早攞定位前菜：鳀鱼酱杂菜，鱼味好浓香，配埋清清地既杂菜，味道刚刚好！我地叫左一枝清酒，酒味甘醇，容易入口！前菜叫左左口鱼沙律菜，烧香左口鱼入口即溶，鱼油浓厚！鳗鱼干配清酒最夹，咸香独特又唔干！另外叫左烧牛舌、烧白鳝、烧菠萝、烧豆腐，串烧即叫即烧！最爱爽口厚切既牛舌，黑椒味浓入口咸香爽口，好juicy！白鳝皮脆肉嫩，鱼油丰富！最后叫左九件寿司拼盘，最爱和牛寿司，入口即溶，大拖罗非常肥美，黑松露带子爽甜新鲜黑豚肉炒面炒饭，大板烧煮法，加上沙律酱，好惹味口感好特别！甜品当然唔少得女朋友最爱黄豆粉蕨饼