千上日本料理 (已結業)

今日同朋友去食饭，特登去左粤海酒店的日本餐厅。早早听朋友讲过想试下依间日本料理餐厅，今晚就黎食个晚餐。蕃茄清甜多汁，配上酸酸甜甜醋汁和海葡萄，入口好开胃好清新。千层豆腐海鲜汤。豆腐切成丝丝刀功好厉害，海鲜爽甜好钟意入面有虾有带子，因为我好怕食蚬肉。刺身厚切好新鲜，金目鲷烧香鱼味好浓郁。其余两款刺身油脂比较重，岛池鱼好爽口好肥美。七味鱼翅。烧到好香的鱼干最岩送酒朋友话想食菜，我地叫左个炒野菜！好大碟好爽甜。吉列炸蚝。蚝肉好大只，炸粉唔厚好松脆，入口唔会好油腻。铁板牛油带子。牛油味好浓好香，带子厚肉好大只，唔会烧到好干。最后叫左两个烧饭团。三文鱼和梅子，好香好饱肚。