上村牧場 (已結業)

又去到happy Friday，忙碌完一星期终于有holiday mood，两个人食返个放题轻松下先，呢度装修以木枱为主调，楼底够高，全部都系卡位，够晒空间感。QR code落单，设计以路轨送餐，安全卫生又快捷，个idea都唔错👍🏻外面自助区设有饮品机、茶包、咖啡机等，冷热饮都有。嚟到呢度我哋梗系主攻蕯摩牛肉，牛里肌肉、牛五花和涮涮烧肉，我哋食齐三本原味、蒜香和汁烧，每款各有千秋，我最like涮涮烧，非常薄嘅一块，烧完食嘅时候沾上蛋浆，好易入口，有花四溅。另一半就最钟意牛五花，油花分怖均匀，肉色泽亮丽，白色油脂纹路比较多，烧嘅时候好惹火，入口有咬感，牛味丰富又Juicy！当然唔少得其他美食，海鲜方面，有鲜鱿、帆立贝等，我哋主攻大大只海虾，目测每只有约6cm咁长，转晒红色，再烧多2分钟左右就搞掂，虾壳好易剔除，明显够新鲜，入口爽口弹牙，非常推介👍🏻寿司、丼饭、拉面、甜品都有㗎！个人认为北海道带子寿司和海胆鱼子寿司真系必食，全部即叫即整，带子厚身又鲜甜 ，海胆同鱼子嘅配搭好夹，真系唔错。大家都饱到捧住个肚走😄