不要對我尖叫，日常茶間， (啟岸)

营业中

休息中

大家睇开Blog都应该会见过我介绍不要对我尖叫，今次再介绍嘅原因，佢终于开到住嘅附近红磡。进注呢条超出名嘅日本街，个个都会想来打卡，之前193嘅咖啡店引起过热潮，之后相信好多人会喺呢间分店打卡，因为呢间嘢开咗之后呢度直头真系六本木咁样。又适逢冬季同圣诞，你以为又系饮台湾茶，错了，佢竟然出咗热红酒加添圣诞气氛，最正系有冷气泡饮和暖气泡饮两个选择，饮品造型更特地用上圆身球瓶，瓶口以绿色丝带或蝴蝶结绑在瓶口作装饰，劲有圣诞气氛，饮用后，仲可用作圣诞树挂饰，限定2000 个，手快有手慢无。除了圣诞特饮，红磡新店仲有该店限定的抹茶奶盖小丸子系列，共有 3 款:抹茶小丸子奶盖伯爵奶茶、抹茶小丸子奶盖鲜奶及抹茶小丸子奶盖拿铁咖啡，都唔使点讲啲绿茶，来自京都自然好饮，反而佢嘅小丸子系出奇地精彩，唔讲真系以为京都出品，洒上焦糖后用火枪烧到金黄甜脆，食落后劲烟韧，一定不能错过。最后，除咗本身有嘅窝夫依旧咁好食之外，话明日本店当然有限定食物，冻冻地最啱食关东煮，关东煮有竹轮、大根、日本溏心蛋、芋丝、蒟蒻及虾饼，个汤好好饮，千万不要错过，值得再黎一次。