順日本料理 (已結業)

近排香港都开咗唔少好食嘅烧牛舌饭，但讲到最正嘅都系开咗起天后30年嘅-顺日本料理，之前食过一直念念不忘，质素拍得住起日本食！今次叫咗：厚烧牛舌饭呢个真系牛舌饭真系令人惊艳，牛舌烧得外脆内软而且好入味，咬落入面鲜嫩多汁，每一啖都充满浓郁嘅牛肉香气，白饭都好香好软糯，吸收咗牛舌嘅汁食落好好味🤤大虾浓汤拉面汤底浓郁鲜甜，大虾新鲜弹牙，同埋拉面都煮得刚好，有嚼劲又唔会太软烂。每一啖都感受到汤汁同面条嘅完美结合！明太子鸡翼鸡翼炸得金黄酥脆，肉质鲜嫩多汁，明太子嘅咸香味道好出，鸡翼外脆内嫩口感同明太子嘅风味嘅组合好好👍🏻香煎鹅肝鹅肝煎得恰到好处，外脆内软，口感好滑顺，鹅肝香气浓郁总括嚟讲，虽然呢度最王牌嘅食物系牛舌饭，但其他食物都一好高质，而家价钱都好相宜，值得一试！