影片
更多
2023-11-19
41 浏览
牛繁一人烧肉 Gyushige📍屯门屯顺街1号屯门市广场1期UG楼AEON内老爸放假，我同佢去咗屯门行下，指定会去嘅donki同AEON supermarket都去完，打算去返v city𠮶边揾食时，见到有一间应该系新开嘅日本过江龙一人烧肉店。睇过价钱几抵，唔会好大油烟，环境睇落几舒适，所以决定喺度食个quick dinner！ 💰$78豚肉套餐 🐖我胃口无咁大，所以只系叫咗100g肉量嘅豚肉套餐，包含猪颈肉同猪五花。酱汁方面我选择咗柚子胡椒酱，因为感觉会清新啲同无咁咸，果然不出我所料。猪颈肉有大有细，但每片都有一定厚度，食落爽口弹牙，猪肉味香浓，再点少少味噌酱食味道更佳。猪五花脂肪偏多，所以拣柚子胡椒酱就无错啦，因为佢可以中和油腻感！ 💰$16 (套餐加配价)牛繁蛋拌饭 🍳胃食嘅我见到有得加钱转蛋拌饭，二话不说就加配咗。佢可以选择温泉蛋或生蛋，我咁好嘅肠胃就紧系叫温泉蛋比较稳阵啦，配以紫菜丝同大量饭素，捞起上嚟真系几好食啵，呢$16值得加！ 💰$122四重奏 🐖🐄🐓老爸食得比我丰富，叫咗份肉量有250g嘅四重奏烧肉餐，有齐葱烧牛胸花、汁烧肩胛片、味噌猪五花、柚子胡椒鸡腿肉，仲有得拣大
📍屯门屯顺街1号屯门市广场1期UG楼AEON内
老爸放假，我同佢去咗屯门行下，指定会去嘅donki同AEON supermarket都去完，打算去返v city𠮶边揾食时，见到有一间应该系新开嘅日本过江龙一人烧肉店。睇过价钱几抵，唔会好大油烟，环境睇落几舒适，所以决定喺度食个quick dinner！
[价钱 Price]
💰$78
豚肉套餐 🐖
我胃口无咁大，所以只系叫咗100g肉量嘅豚肉套餐，包含猪颈肉同猪五花。酱汁方面我选择咗柚子胡椒酱，因为感觉会清新啲同无咁咸，果然不出我所料。猪颈肉有大有细，但每片都有一定厚度，食落爽口弹牙，猪肉味香浓，再点少少味噌酱食味道更佳。猪五花脂肪偏多，所以拣柚子胡椒酱就无错啦，因为佢可以中和油腻感！
[价钱 Price]
💰$16 (套餐加配价)
牛繁蛋拌饭 🍳
胃食嘅我见到有得加钱转蛋拌饭，二话不说就加配咗。佢可以选择温泉蛋或生蛋，我咁好嘅肠胃就紧系叫温泉蛋比较稳阵啦，配以紫菜丝同大量饭素，捞起上嚟真系几好食啵，呢$16值得加！
[价钱 Price]
💰$122
四重奏 🐖🐄🐓
老爸食得比我丰富，叫咗份肉量有250g嘅四重奏烧肉餐，有齐葱烧牛胸花、汁烧肩胛片、味噌猪五花、柚子胡椒鸡腿肉，仲有得拣大中小饭量，啱晒佢呢啲胃口偏大嘅人。老爸话牛胸花好淋身，无筋无肥，日本长葱烧过之后香味四溢，同清夹啲嘅牛胸花一齐食好夹。相比之下肩胛片因为已事先以酱汁腌过，所以味道偏浓，烧香后油脂变得更香，推介各位牛魔王！
我个人非常喜欢佢呢个餐嘅猪肉同鸡肉，前者味道甜香，后者鸡肉滑溜，唔食牛嘅我表示好满足！先讲味噌猪五花，肉片脂肪比例较多，建议大家烧耐一啲，除咗可以逼多啲油出嚟，仲可以将猪皮烧得香脆！肉质好不在话下，佢哋由东京总店直送嘅味噌酱真系好好味，唔过咸之余，仲可以提鲜，更能带出肉类嘅鲜味。连皮嘅鸡腿肉以柚子胡椒酱腌制，鸡肉肉质嫩滑多汁，配以清新微辛嘅柚子胡椒酱烧，锁住肉汁，味道真系不得了！
[价钱 Price]
💰$52/2只
超大黑虎虾 🦐
名副其实超大嘅黑虎虾，虾肉结实弹牙，虾头膏多汁鲜甜，本身已有调味，烧起即食超滋味。
张贴
