金子半之助 (新都會廣場) (已結業)

今晚约咗妈咪撑枱脚，近近哋，拣咗新都会广场嘅日本过江龙—金子半之助，嚟一个天妇罗🍤晚餐。我哋叫咗江户前天丼同迷你天丼配稻庭乌冬。江户前天丼 $138天妇罗有穴子（即星鳗）、海老、小柱鱿鱼天妇罗饼、温泉蛋、海苔及荚豌豆，附味噌汤及溃物。天妇罗炸得甘香酥脆，食落唔觉油腻。我特别欣赏小柱鱿鱼天妇罗饼，口感有弹性，味道鲜甜。温泉蛋天妇罗都好特别，感觉要炸而不烂嘅难度好高。天妇罗酱汁甜甜哋十分香口，令整体味道大大提升。迷你天丼配稻庭乌冬 $118天妇罗有菇菌、海老、南瓜、海苔、荚豌豆及温泉蛋。菇菌特别酥脆、南瓜清甜，好味道。稻庭乌冬口感烟韧，汤底清香味美，最特别系佢会提供一个大木盒，里面有五款乌冬配料供客人自由配搭。黑豆茶味道甘香，食完油炸食物就最啱饮，可以解腻消滞。今日虽然系平日，但都差唔多座无虚席了。