Meat King (已結業)

比朋友放飞机，好睇老公即刻黎陪我。铜锣湾附近四围兜下，见到Meat King个招牌好醒神。行过去原来要上楼的，上楼后仲惊喜，有个好有气氛的火炉，像真度十足。Meat King 果然店如其名，食物都系以肉类为主，岩哂一众食肉兽。汉堡扒系佢地的主打，当然要一试，我地二人只敢挑战细份量。另外仲有一样好吸引的，就系自助沙律吧。由细到大，由当年的Pizza Hut开始，已经好钟意自助沙律吧，每次食都好兴奋。呢度只系$58/位，就有齐汤、沙律、饮品同甜品。佢地的沙律吧好企理，摆放得好好，好似酒店的早餐甘。外表好精彩，睇见都开心。食过沙律就系打大佬的时候，铁板上的汉堡扒甚有睇头。原来细份都甘大！！大份的是细份的2.5倍，完成到一整份的人绝对值得封为Meat King。汉堡扒虽然大，但肉质都算嫩。最正的食法是加上蛋酱同烧汁，好惹味。另外吉列猪扒同青口都唔错。猪扒同样超级大份。青口份量正常，酒味浓。最后虽然好饱，但都忍唔住拎多一round甜品。仲有一样野值得一赞，店员有笑容，服务周到。或者呢d就系日本过江龙的特色，日本人亲自管治，果然唔同d。