甘味處鎌倉 (屯門市廣場1期)

营业中

休息中

周末同朋友游车河，游游下去左大西北有牛既屯门🤣。咁难得黎到呢个地方，紧系要食尽佢👍🏻。所以我地食完晚餐之后，就黎左呢间位于屯门市广场既甜品店，佢既位置唔算好大，但系因为风格好简洁，冇好多多余野，所以都坐得好舒服。我地一共叫左3样野，食完真系大满足☺️。宇治金时刨冰佢既刨冰有非常浓厚既绿茶味，唔会过甜，甜度岩岩好。虽然冇好多其他既配料，但系味道都唔会好单一，因为本身既茶味已经够哂浓同香。天空焙茶蕨饼焙茶向来系我既最爱，而有焙茶既甜品就更加要试一试。呢杯饮品焙茶味十足，配上蕨饼层次好丰富，面头cream又唔会过多。咖啡牛奶蕨饼咖啡既味道都不错，配埋甜甜既蕨饼呢个组合都好夹，钟意饮咖啡既朋友应该会好钟意。