霸嗎拉麵 (德己立街)

营业中

休息中

两个人过海行吓街，经过中环便去医肚，一于找间店食碗拉面吧。在斜路上看到这霸吗拉面便入去试试。装修格局有啲似日式拉面店，气氛一流。点餐方法同其他拉面店类同，都系在点餐纸剔好，就交畀侍应。见到期间限定嘅极上原只龙虾味玉拉面，好吸引，于是叫咗一碗。拉面上面有原只拿大龙虾，一开为二，方便进食得嚟又保持龙虾卖相，最适合打卡呃Like呀。虾肉嘅鲜甜系非一般嘅，够出色，来货系拣过正嘢，煮起出嚟自然好味。侍应提供埋小碗同蟹钳，方便拆开只龙虾嚟食。汤底系樱花虾猪骨浓汤，颜色睇落有啲红红哋，但其实唔辣嘅，樱花虾同猪骨煮埋嘅汤底更香更有层次。面底硬度按厨师建议，有咬口得嚟唔会太硬，相当唔错。浓厚猪骨豚肉拉面有大大块嘅叉烧厚切够口感，上面仲放咗啲调味，觉得唔够的话，仲可以加啲蒜粉同一味粉。汤底用猪骨肴制，味道都几好，加上软硬恰到好处嘅拉面，整体都系具水准之作。饮品拣咗热嘅绿茶，比较可惜嘅系热饮选择唔多。埋单231蚊，唔使加一。