影片
更多
2021-03-28
944 浏览
大埔火车站附近啲小巷有好多好嘢食，今次就嚟食咗一间日式野一鸣丼食堂。无论系个门面设计定系内里装修都非常日式，铺面唔大，位置都唔多，但系几温馨，有啲深夜食堂嘅感觉。佢店入边仲有啲手写牌仔既时令推介，感觉几特别。餐牌睇落主打系丼饭，亦都有刺身串烧同寿司。熟食嘅牛肉，豚肉，生食嘅刺身，都有几多选择。我哋叫咗一个炙烧牛肉饭（$138）同三文鱼火山（$118）。一上碟个size比我想像中细，但食落其实都好足料，牛肉多，亦都好嫩，上面仲有只流心蛋。基本上可以每一啖都有肉，非常满足。三文鱼火山嘅拖罗蓉堆得好高，刺身份量唔系特别多，但系食得出配料几新鲜。另外仲叫咗个油甘鱼寿司（$35）。呢个油脂分布好均匀，块刺身亦都切得好厚，个人几钟意食呢一碟。饮品方面叫咗一杯白桃一千零一夜（$32）。大概系有少少酒精嘅白桃加薄荷叶梳打。野饮相当大杯，唔太甜但系好清新，无论配甘味重嘅鱼生饭定系惹味嘅牛肉饭都非常开胃。总括来讲我觉得呢度嘅环境，野食，水准都唔错。夜晚约两三个嚟食饭饮嘢倾偈系一个好唔错嘅选择。
无论系个门面设计定系内里装修都非常日式，铺面唔大，位置都唔多，但系几温馨，有啲深夜食堂嘅感觉。
佢店入边仲有啲手写牌仔既时令推介，感觉几特别。
餐牌睇落主打系丼饭，亦都有刺身串烧同寿司。熟食嘅牛肉，豚肉，生食嘅刺身，都有几多选择。
我哋叫咗一个炙烧牛肉饭（$138）同三文鱼火山（$118）。
一上碟个size比我想像中细，但食落其实都好足料，牛肉多，亦都好嫩，上面仲有只流心蛋。
基本上可以每一啖都有肉，非常满足。
三文鱼火山嘅拖罗蓉堆得好高，刺身份量唔系特别多，但系食得出配料几新鲜。
另外仲叫咗个油甘鱼寿司（$35）。呢个油脂分布好均匀，块刺身亦都切得好厚，个人几钟意食呢一碟。
饮品方面叫咗一杯白桃一千零一夜（$32）。大概系有少少酒精嘅白桃加薄荷叶梳打。野饮相当大杯，唔太甜但系好清新，无论配甘味重嘅鱼生饭定系惹味嘅牛肉饭都非常开胃。
总括来讲我觉得呢度嘅环境，野食，水准都唔错。夜晚约两三个嚟食饭饮嘢倾偈系一个好唔错嘅选择。
张贴
