影片
更多
2014-08-05
3913 浏览
由于中学同学生日，公主我就去openrice search 下。突然谂起沙田图书馆隔离既意大利餐厅，听闻好食但好难book位，于是拿拿声约人。但间嘢唔止难book个电话唔系唔通就无人听，打咗百九几万次终于有人听。但个姐姐话多过8人就要落订，订金亦因为锁响夹万无得退（咩理论？）而用餐时间亦只有1个半钟。Ok，公主我明嘅，但我唔得闲过去，所以问定佢有无落场时间，费事朋友去到摸门钉。点知佢九唔搭八话：「你地嘅用餐时间系1个半钟。」救命！我唯有改过句问，「你地系咪咩时候都有人收订？」个姐姐：「如果门口无人我地入面都会有人出嚟收。」人都癫可唔可以俾番啲training啲staff呢？好喇，反正人数未实，我覆话迟啲先去落，佢话最少一星期前要覆实，真系⋯⋯到咗当日，人数竟然锐减到4人。公主我有事迟咗去，去到一睇，原来系当年中学毕业日本旅行嘅队友。即时话当年，大家嘅性格同白痴低能嘢真系冇变，哈哈由于公主我迟到，队友已经叫晒嘢食。我都叫埋杯「强迫性」热苹果茶，都几好饮嘅～最先嚟到嘅系杂菌忌廉汤，好香菇味，忌廉令到个汤好滑，但又唔会稀lung lung，杂菌有咬口，感觉好浓郁。而且个汤好热辣辣，公主我最钟
人都癫可唔可以俾番啲training啲staff呢？
好喇，反正人数未实，我覆话迟啲先去落，佢话最少一星期前要覆实，真系⋯⋯
到咗当日，人数竟然锐减到4人。公主我有事迟咗去，去到一睇，原来系当年中学毕业日本旅行嘅队友。即时话当年，大家嘅性格同白痴低能嘢真系冇变，哈哈由于公主我迟到，队友已经叫晒嘢食。我都叫埋杯「强迫性」热苹果茶，都几好饮嘅～
最先嚟到嘅系杂菌忌廉汤，好香菇味，忌廉令到个汤好滑，但又唔会稀lung lung，杂菌有咬口，感觉好浓郁。而且个汤好热辣辣，公主我最钟意
饮热汤，超正！
队友都话自己响屋企煮唔到咁嘅汤，真系好正！
个包系意大利式，唔系涂牛油，系配黑醋同橄榄油。可惜个包系冻配黑醋都冇用，而且个橄榄油都唔系靓嘢，完全冇香味。
呢个凯撒沙律话系二人份量，但我地四个人都够食，每人分左三四次先食得晒。个沙律汁刚刚好，唔太多唔太少。而且有好多烟三文鱼同蟹肉。再加埋Parmesan芝士，真系冇得弹。唯一美中不足嘅系，面包太大粒，脆烟肉亦比较硬。
之后到煎虾意大利饭，好搞笑地4人分3只大虾。好彩有人唔食大虾先至够分，但其实都仲有好多小虾。个意大利饭煮得刚刚好，al dente，虾汁亦好香浓。但系大虾腌得唔够入味，只系够弹牙而冇乜虾味。但系个饭真系煮得好好，值得推介！
最后到呢个脆猪手，个皮真系劲脆猪手亦非常好味，冇臭猪味，咸咸香香好正味道一流。但食食下都腻，好彩有个酸菜同芥辣，即刻开胃番晒。食到最尾，公主我都不顾仪态，要拎起旧骨咬埋啲肉嚟食。最正系，啲皮冻晒都重系脆！
其实间嘢嘅服务都唔差，除咗订位时个姐姐无乜常识同礼貌，其实都唔错㗎。佢系睇住我地食完一样，先至再上另一样，所以唔会搞到成枱嘢。而且整体嚟讲啲嘢又真系相当好食，全部都好得，有机会可以encore！望到隔离台既牛扒同羊架，真系好香㗎，下次一定要去试吓先！
p.s. 不过好搞笑，我哋食食下突然间闻到好大阵㶶味，差啲以为火烛
张贴
