秘 (享成街)

营业中

休息中

荃湾又有新蒲点啦！喺荃湾广场附近开咗一间日式食店，门面单字一个「秘」 ，即刻心思思走过去睇吓到底系食乜。主食嘅选择唔算好多，但系每款都好想试吓！叫咗一个秘烧黑松露吉列牛定食。定食包括黑松露吉列牛、珍珠饭、枫糖流心蛋同樱花昆布汤。见到牛肉嘅脂肪分布比例平均，以黑松露围边。将牛肉一片片放上石板炉烧，生熟程度由自己控制。烧好嘅牛肉软稔，肉汁丰腴，牛肉味香浓，亦带有淡淡黑松露嘅清香。由于脂肪比例平均，食落亦都唔会过于油腻，加埋珍珠饭一齐食，好和味！🤤另外叫咗一个芝士吉列豚肉定食。豚肉颜色粉嫩，而芝士嘅味道亦十分讨好，腻感唔重。但就唔系每块猪肉都有流心嘅芝士，如果芝士分布得平均啲就仲好啦。简单啲来讲，呢间系一定会再encore嘅餐厅，亦都好相信会系即将兴起嘅荃湾蒲点！