麵屋丸京

营业中

休息中

偷偷放自己假，约咗朋友一齐去新都会hea下，我哋好似发现新大陆咁，喺𠮶度坐下hea下咖啡，感觉好写意，事前我已经喺openrice 先search咗葵芳有咩好嘢食，最后被面屋丸京既叉烧铺面吸引住，决定来试下，我哋大约7:30来到，舖面细细，眼见得20个坐位左右，格局好似日本舖头，可惜我唔记得影相，难怪见openrice 的食评都话要等位，我哋好幸运不用等位，不过要搭枱，感觉同陌生人坐一枱，说话有点唔自在。我哋各自点咗一碗拉面，我点咗浓汤极上叉烧，系唔系好吸引呢？浓汤真系好浓，而且食到最后有点而咸⋯我一来就饮咗汤，所以半熟蛋味道已被浓汤盖住咗，但系睇到都觉得好靓⋯好治愈🥰朋友点咗地狱真叉烧拉面，其实系我哋唔想搭沉船，而同都想试两款汤底同叉烧既分别，最终结果大家都比较喜欢假叉烧🤣，真叉烧应该系慢煮，保留肉汁比较滑，但食到有点筋，不过好似未熟既感觉，至于地狱汤底，试咗一啖觉得偏辣，可能我比较怕辣，所以我都拣浓汤。