北海道爐端燒 (已結業)

细佬生日想食北海道炉端烧，所以一早订左位带佢黎一尝心愿，呢道既格局好有日本居酒屋感觉， 好似自身系日本禁，好有特色。明太子鸡蛋卷蛋卷松软又重蛋香，每层蛋皮煎得薄而松，中间夹住明太子，咸咸辣辣好足料。份量多到就快爆出嚟咁，食起嚟就多汁咸香。浜烧蟹盖待应好好见我地唔识烧，走黎帮我地，蟹盖上铺满蟹肉，蟹膏，而中间加入埋蛋黄，烧嘅时候，已经有阵好浓烈嘅蟹膏味传入我个鼻，蟹肉嘅鲜甜，加埋浓郁嘅蟹膏同混合嫩滑蛋黄，口感丰富，令人好难忘。海胆刺身海胆入口甘甜丰腴，味道相当甘鲜, 味道和质感细软丰厚，正。芝士意大利面（加明太子）店铺应该系将意粉放入去芝士到捞匀，意粉表面有好多芝士附着，所以每一口都系芝士，另外加入明太子配弹牙既意粉，咸度配合得宜，没有油腻感，必食！明太子沙律，爽脆口感，再配上攻鼻既芥辣味沙律酱，感觉清新。