千上日本料理 (已結業)

今日大陆朋友嚟到粤海酒店住两晚，贪方便就直接喺酒店下便呢间日本居酒屋食饭。由于大陆嘅天妇罗比较普通所以我哋特登叫咗俾朋友食，呢个天妇罗都唔错炸粉唔会太厚，食落去脆卜卜，都相当之新鲜系即叫即炸。另外都叫咗几款串烧试吓，烧紫薯啦，紫薯细细地一粒一粒都几搞笑，朋友冇食过。 烧鸡软骨，食落去脆卜卜，调味调得几好。另外佢哋嘅烧牛舌都唔错，通常厚啲嘅牛舌就会比较难煮得好食，不过今次嘅牛舌都够嫩，唔会烧得太过老。另外都叫咗个烧羊架，不过建议叫五成熟好啦。另外都叫咗个乌冬填肚。