令和鍋物酒場

营业中

休息中

一入到去，就见到成间餐厅都系日本灯笼同旗帜，感觉好似去咗日本咁，气氛一流，真系几有Feel。𠮶晚我哋叫咗个「令和二人前」套餐，真系超满足。首先讲寿喜烧锅，个汤底甜甜地好香，野菜豆腐盘啲菜都好新鲜，豆腐滑滑嘅，配埋A4肩胛和牛，入口即溶，真系唔使咬。富士山火焰脆脆薯仔沙律，卖相靓到爆，味道仲好有层次，薯仔脆卜卜，火焰效果真系好玩。三品刺身盛合啲鱼生新鲜到不得了，每一啖都好鲜甜。A4和牛海胆反卷系我哋嘅最爱，和牛油香配上海胆鲜甜，简直系天堂嘅味道。芝麻鸡翼外脆内嫩，芝麻香气扑鼻，烧芝士年糕口感烟韧，芝士浓郁，真系完美结尾。饮品方面，我哋拣咗「草食系男子」同「粉红草莓菠菠」。草食系男子有芫茜同薄荷叶，饮落去好清新，系消暑解渴。粉红草莓菠菠卖相缤纷，味道清爽，女仔一定钟意。P.S.最近做紧瓶装酒半价优惠!抵到烂！钟意饮既，真系一定要来。